مستمعينا فى كل مكان صباح الخير
موسيقى
وآدى الكمبيوترأهه مفتوح قدامى ....اما اكتب بقى عنوان الموقع ....واهه الموقع فتح ...ابدا بقى
التمرين : معلهش ولا تزعل نفسك ....المره الجايه يغلبوا ...وبعدين الحكايه كلها لعب فى لعب ....ايه ده ايه ده ايه ده الكمبيوتر مش عاجبه الكلام
غلط اللى قلتيه ده غلط
آه معلهش الجمله طويله شويه ....اختصرها شويه :ياشيخ ولا تزعل نفسك
برده غلط
يو امال عاوزنى اقول ايه اقل من كده
متقوليش حاجه خالص ....وياريت ...ياريت لو سمحتى تراجعى بيان رابطة رجال المعموره ....طبعا مش المعموره اللى فىاسكندريه
طبعا طبعا فهمه المعموره يعنى الدنيا ....والبيان ده نلاقيه فين
بمناسبة دورة كاس العالم البيان موجود فى كثير من مواقع الأنترنت ....ولكل من يهمها الأمر ننصح باتباع كل بنوده بمنتهى الدقه فى تلك الفتره الكرويه الحرجه حتى تستمرالحياه فى كل بيت بدون مشاكل
خلاص اذا كان كده نقرا البيان من تانى ....مخبيش عليكم انا كنت قريته اول مره بسرعه والظاهر مختش بالى من حاجات كتير زى ما شفتوا وانا بتمرن ازاى اخلى الفتره الكرويه الحرجه دى تعدى على خير
موسيقى
اسمعوا كده
الى كل من يهمها الأمر اليكن هذا البيان المفعم بالمشاعر الصادقه ....بمناسبة دورة كاس العالم حددنا مايجب عمله وما يجب الأمتناع عن عمله وعليكن طبع البيان ولصقه بالقرب من التيلفزبون او الكمبيوتر الذى سينقل المباريات ....بند واحد
لحظه من فضلك ...هم كام بند
احنا اخترنا فى النسخه المختصره دى اهم البنود....خلينى اكمل....بند واحد طوال فترة الدوره الرياضيه عليك بقراءة صفحة الرياضه ليمكنك مجارة زوجك او خطيبك فى الكلام ....ده طبعا لو لقى وقت وعبرك
ما افتكرش انى حقدر اقراها وانا اصلا ما بفهمش حاجه فى الرياضه
اذا لم تفعلى ستكونين معرضه للنظر اليك شذرا ...يعنى بالبلدى نظرةغضب...وستكونين معرضه للأهمال ...فاذا حدث شىء من هذا لا تلومن الا نفسك
بند اتنين
طوال الدوره سيكون التيلفزيون تبعى انا وحدى....ولكن لامانع لدى اذا مررت من امامه خلال مباراه من المباريات
والله كلك ذوق
بشرط
شرط ايه بقى ما احنا ماشيين كويس
لا مانع من المرور من امام التيلفزيون ما دمت ستفعلين ذلك زحفا على الأرض ودون ان تقطعى على المشاهده
وجى على نفسك ليه كده
بندتلاته خدى بالك من صحتك جدا طوال الدوره الرياضيه
شكرا على النصيحه
لأنك لو اصبت ببرد مثلا لن يكون لدى الوقت لأصطحابك للطبيب ...وطبعا سيكون من قبيل احلام اليقظه ان تتوقعى ان استمع اليك او افتح الباب او ارد على التيلفون
بلاش خليها علينا زى بعضه
ومن فضلك ....لو سمحت ....لو سمحت اذا لقتينى منكد لأن الفريق اللى بشجعه حيخسرمش عاوز اسمع:
ولا تزعل المره الجايه يغلبوا ....وبعدين ياسيدى ....ما كله لعب فى لعب
اذا قلت هذا فانت تزيدين غضبى وانت لم ولن تفهمى فى الكوره مثلى و مثل هذه الأقوال الفارغه يمكن ان يكون لها عواقب وخيمه .....شكرا على تعاونكم معنا
