هذه حبقه فى اول برنامج اذاعى عن الأنترنت فى العالم العربى وموقعه هوhttp://wakeup.to/computer

مستمعينا فى كل مكان صباح الخير

فى البريد الألكترونى تصلنا يوميا  انواع مختلفه من الرسائل : اعلانات وده نوع  نعمل فيه ايه              ممكن نمسحه على طول مفيش مشاكل     

 طيب فيه سلامات  وتعليقات من الأصدقاءوده نوع تانى

 نخليه شويه      

والنوع التالت يحمل وعدا بالثراء السريع ....ملايين تنتظر اشاره من الواحد مننا

 ده اللى محتاج لوقفه ....  لو وصلك حاجه زى كده طبعا امسحه بدون تردد احنا مش حنعمل كده علشان ناوين نسمعكم عينه منها

فى يوم واحد 5 رسائل لو جمعنا المبلغ اللى بتعرضه على الواحد نلا قيه ما يقلش عن 10 مليون دولار...دولار اميركى خدو بالكم ....(بسخريه) مبلغ مش بطال و النواية تسند الزير زى ما بيقولوا فى الأمثال

المدهش هو المطلوب من الواحد مقابل المبلغ البسيط ده

المطلوب موجود فى الرسايل نفسها

هى الى حد كبير متشابهه ويكفى نقرا اتنين منها علشان ناخد فكره كامله عنها

الصديق العزيز

اسمى ديبو فيلام ابنة المرحوم الدكتور توماس فيلام وزير الماليه الأسبق فى جمهورية ليبيريا    الذى توفى فى هجوم للمتمردين فى عام 2003 وقد ورثت عنه مبلغا وقدره 8 ونصف مليون دولار اميركى.هذه الأموال محفوظه فى صندوق معدنى مودع فى شركة تامين وتمويل فى ساحل العاج بموجب اتفاق سرى .ومعنى ذلك   ان الشركه لا تعرف ما بداخل الصندوق وهدفى من ارسال الرساله هو ثقتى فى انك سوف تسارع باتخاذ اللازم لشحن هذا الصندوق الى اى مكان تعتقد انه آمن مقابل نسبه نتفق عليها فيما بعد وسوف آتى الى بلدك لأكمال تعليمى بمجرد ان يتم نقل هذه الأموال اليك وارجو الأسراع لأننى ادفع 45 دولار يوميا للشركه ارضيه

طبعا عشرات الأسئله ممكن تخطر على البال ....مثلا هل حدث فعلا ما وصفته من احداث سياسيه ...ممكن طبعا تكون صحيحه ولكن من المؤكد ان  الباقى كله من خيال مرسل الرساله والهدف  سيكون     الحصول على اموال بحجة تخليص هذا الكنز الوهمى ...نسمع نسخه تانيه وان كان فيها خيال مؤلف روايات بوليسيه

ايها الصديق العزيز

انا روز وليامز الأبنه الوحيده للمرحومين  السيد والسيده   جونسون وليامز كان ابى تاجرا ثريا جدا من اكبر تجار الكاكاو     فى بورت نوفو   فى جمهورية بنين فى غرب افريقيا  وقد مات مسموما على يد بعض شركائه بينما كان فى رحلة خارجيه   لمناقشة امور تجارتهم وعندما ماتت امى فى عام1990 خصنى ابى بمزيد  من رعايته وقبل وفاته فى مستشفى خاص هنا فى بورت نوفو اسر لى بسر هو ان لديه مبلغ 21 مليون ونصف المليون دولار اميركى فى حساب له فى بنك محلى وانه بسبب هذه  الثروه دس له السم وان على ان ابحث عن شريك فى دوله اجنبيه اختارها انا لأحول له هذه الأموال لكى استثمرها فى شراء اراضى او عقارات ...وانا اتمنى ان تساعدنى فى ذلك على النحو التالى

1-ان ترسل لى رقم حساب بنكى لك ليتم التحويل اليه

2-ان تقوم بدور الوصى على هذه الأموال لأنى فتاه فى السابعة عشره

3-ان تقوم بالجراءات اللازمه لأنتقالى الى بلدكم

وانا على استعداد ان اقدم لك 15% من المبلغ      نظير مجهوداتك ....وانا فى انتظار ردك بمجرد ان تصلك رسالتى هذه

طبعا اى واحد لازم يسال وايه اللى يضمن ان من تحول له هذه الأموال لن يحتفظ بها لنفسه والأجابه هى انه لافى اموال ولاحاجه من دى خالص

مفيش غير الخيال ....حتى مش الخصب لأن الرسائل اللى من النوع ده لا تخرج عن الفكره الرئيسيه  مع اختلاف بسيط فى التفاصيل

ولذلك بعد ما قرينا عينه منها نقوم على الفور بمسحها