http://dear.to/cairo
تسجيل أذاعة
مستمعينا فى كل مكان صباح الخير
موسيقى
مش طلعت دولة نورات اغنى من بلغاريا وبعد روسيا على طول فى الترتيب؟
مش معقول
ترتيبها ياسيدى بالظبط 77 بين دول العالم من ناحية الغنى
وتبقى حسب كلامك بين روسيا وبلغاريا
عليك نور روسيا وراها دولة نورات وبعدين بلغاريا
دولة نورات بس انا ما اسمعتش الأسم ده قبل كده
وحياتك ولا انا ....حاجه بالعقل حتسمع عنها والا حسمع عنها انا ازاى اذا ما كنش لها وجود
نعم
زى ما بقولك دى دوله ملهاش وجود على اى خريطه للعالم لا قديمه ولا جديده
بس دا انت لسه قايله انها اغنى من بلغاريا ومعرفش ترتيبها بعد مين على طول ....آه بعد روسيا
ومازلت متمسكه باللى قلته بحذافيره حذفور حذفور ....الا هو المفرد من حذافيره ايه...صح كده حذفور مش كده
كده ...بس خلينا فى دولة نورات
تفتكردخل الفرد فيها كام ؟ قول رقم كده والا اقولك بلاش السؤال الصعب ده عموما دخل الفرد هناك مش بطال
دوله ملهاش وجود وفيها مواطنين ليهم دخل ....تيجى ازاى دى
دخلهم من عملهم ....غريبه دى
وبيعملوا ايه
آه انت بقى بتسال عن نشاط السكان زى ما كنا زمان واحنا صغيرين بنقول فى حصة الجغرافيا ....من حقك تسال السكان ياسيدى (ببطء) بيلعبوا ....لاتندهش او تقطب حاجبيك ....الحكايه ما تستهلش تزعل نفسك او تحتار والحيره مرار زى ما بتقول الغنوه ثم احنا بنؤمن بان الزبون دائما على حق ....وحالا تاخد حقك
موسيقى
اسمها ايه قولتيلى
دولة نورات ....طبعا سمعت عن العاب الكمبيوتر....الجيمز
طبعا سمعت عليها
خلاص دى بقت موضه قديمه ....فيه دلوقتى العاب كمبيوتر تانيه خالص ....العاب جماعيه بيشترك فيها ناس من كل انحاء العالم ....وكل اللى بيلعبوا اللعبه بيلعبوها فى مكان خيالى لا وجود له الا على شاشة الكمبيوتر
آه فهمت زى دولة نورات ....دوله خياليه على الكمبيوتر
وزى اى دوله فيها طبعا مواطنين عايشين ....وسيادتك تختار شخصيه من الشخصيات الوهميه دى علشان ينوب عنك فى اللعب ....وعشان ينجح لازم يكون شاطر وماهر ....لو كان حيلعب كوره ضمن فريق دولة نورات لازم يكون بيلعب كويس ....ولو دخل مبارزه لازم يكون ماهر فى استخدام السيف
والحجات دى يتعلمها ازاى
آه ده سؤال مهم....سيادتك اللى حتعلمه .....بالصبر ساعات طويله قدام الكمبيوتر حتقدر تخلق من الشخصيه الوهميه دى لاعب ممتاز عنده مهارات عاليه ترفع سعره جدا فى السوق
ليه هو حيتباع
طبعا وبمبالغ كبيره ....فى ناس عاوزه تلعب بشخصيات متعلمه جاهز فتشترى منك الشخصيه اللى انت دربتها و علمتها ....مش كده وبس دا فى عصابات ظهرت تسرق الشخصيات دى من الكمبيوتر بتاعك وتبيعها هى
وايه حكاية دولة نورات اغنى من بلغاريا
ده استاذ اميركى حسب الدخل من بيع لعبة دولة نورات ومن بيع الشخصيات الوهميه فى اللعبه فطلع اكبر من دخل بلغاريا واقل شويه من دخل روسيا
دى صناعه جديده بقى
ايوه الى جانب الصناعات التقليديه ....ظهرت صناعه تدر دخلا عظيما ...صناعة الوهم
http://dear.to/cairo
