هذه حلقه من اول برنامج اذاعى عن المدونات والأنترنت   فى العالم العربى وموقعه يقدم الأعلام كما سيكون عليه فى الغد من اليوم حيث تجتمع فى مكان واحد افضل قنوات الأعلام فى العالم والموقع http://dear.to/cairo

مستمعينا فى كل مكان صباح الخير

                                                      موسيقى

حوار طويل دار بين الصديقين....احمد وعماد ....استمرالحوار ساعات مع انه كله يتلخص فى جمله واحده : ممكن تتجوز عن طريق الكمبيوتر؟

وليه لأ الكمبيوتر  دخل دلوقتى فى كل حاجه ....

ما هو ده اللى قاله عماد لأحمد....عماد متحمس ومؤيد للأعتماد على الكمبيوتر ...واحمد متردد او حتى مش مصدق انه ممكن يلاقى بنت الحلال عن طريقه

وانتهت المناقشه على ايه؟

وافق احمد انه يخش موقع من مواقع البحث عن عروسه او عريس وسجل بياناته ...احمد ده بالمناسبه قريبى

طبعا انهالت عليه الردود والطلبات

ابدا ...انتظر يومين  تلاته ....واسبوع  وما وصلوش اى رد ....   فكر يرجع لصاحبه عماد ويقول له مش قلت لك  المواقع دى وهم كبير ....وقبل ما ينزل يروح له فتح الكمبيوتر ووجد رساله من موقع الزواج غيرت كل حاجه

رد من عروسه

لأ ...رساله كلها اسرار

كده دخلنا  عالم الغموض ....هو حيتجوز والا حيقوم بدور رجل مخابرات فى فيلم

نقرا سوا الرساله  وكل حاجه حتتوضح

                                          موسيقى

الأول الرساله من مين

من موقع الزواج اللى بنتكلم عنه

وهو فيه اسرار فى موضوع زى كده

اجاوبك بسؤال: تفتكر ممكن يكون فيه فرق بين الجواز بالطرق التقليديه والجواز بالكمبيوتر والأنترنت ؟

ما اعتقدش

طيب شوف بقى سر النجاح فى العثور على الزوجه او الزوج المناسب عن طريق الكمبيوتر

زى ما بتقول رسالة موقع الزواج

نصايح يعنى ؟

حاجه زى كده....اول نصيحه بتقول : زى ما بتهتم بمظهرك وانت ذاهب لأول مره لبيت من تريد خطبتها ....لا بد ان يكون وصفك لنفسك فى موقع الزواج انيقا ومهندما وخالى من الأخطاء اللغويه ....وبدلا من ان تقول عن نفسك انك مرح بالكلام اثبت ذلك عمليا  ....من اطرف اعلانات الزواج  اعلان استخدم كاتبه اسماء افلام معروفه  ....اختارها لتقول ما يريد ان يقوله عن نفسه بطريقه مبتكره  خفيفة الدم

متنغعش الطريقه دى واسماء افلام كتير عندنا صعبه جدا ....زى صايع بحر مثلا

حاجه مهمه كمان انك تحط صوره مبتسمه مقربه حديثه للوجه ....طبعا الشكل مش اهم من حاجات تانيه ولكن الوجه هو اول ما نراه فى الشخص

بس تعرفى دلوقتى ممكن تزييف الصور بالكمبيوتر

ما هو السر اللى بعد كده او النصيحه هو عن الأمانه فى ذكر المعلومات ....وفيه الأبداع وده قلنا عليه فى  مثل عناوين  الأفلام

فيه ايه كمان

آه ....فى كتابتك عن نفسك او عن الصفات التى ترغبها فى شريك الحياه  لازم  تكون مختصر واهم حاجه هو التركيز على الأشتراك فى اهداف واحده فى الحياه ....وآخر نصيحه بتقول العمر مش كل حاجه ولكن هو ما يبدا به الناس عادة ....ويمكنك ان تذكره ضمنيا مثل فى اوائل الثلاثينيات مثلا

عمل قريبك بالنصايح دى

بحذافيرها

والنتيجه

حموت واعرف