مستمعينا فى كل مكان صباح الخير

                                                       موسيقى

ليه بتقولوا على انى من كوكب تانى

مش احنا اللى بنقول....الناس اللى عاشوا معاك وعرفوك هم اللى بيقولوا انك اكيد من كوكب تانى ...مش من كوكب الأرض .....وجواك دافع قوى للرجوع للكوكب اللى جيتى منه

قصدك حامد جوزى ....ده بيهزر ....وتتاكد من كلامى لو زرت  الموقع بتاعى على الأنترنت

ما انا زرته

وايه اكتر حاجه لفتت نظرك

حاجات كتير ....ما هو انت بصراحه حدوته....حدوته كبيره اوى

لأ قول بصحيح ايه اكتر حاجه لفتت نظرك فى الموقع بتاعى على الأنترنت

طبعا انا او اى زائر تانى لازم يلفت نظره ان  مدام حامد هى اول سائحه فضائيه ....تسافر الى الفضاء وتشاهد الأرض من فوق ...من بعيد ....مجرد كره زرقاء تسبح  فى الفضاء

(كمن يحلم)         ده حلم قديم ....حلم ساكن روحى وفكرى من  زمان ....(تغير لهجتها  الى لهجه واقعيه فجاه) بس ايه سائحه فضائيه دى ....انت تعرف بقالى قد ايه فى تدريب متواصل شاق....اكتر من 6 اشهر.....مشفتش فيهم حامد الا مرتين ....واحنا اللى مفترقناش من 15 سنه ولا لساعه واحده

مدام حامد احنا فخورين بيك ....ونتمنى تكونى مثل لبناتنا  وستاتنا وعشان كده حنخصص الحلقه دى للى عرفناه عنك من موقعك على الأنترنت ....و ننشر صورتك فى موقعنا  اللى بنقوله فى الآخر

انا كده حبان  كانى عايشه  دور تمثيل ....والمستمعين حيفتكرونا بنخترع شخصيه وهميه

لأ وهميه ايه.....

طيب خلينا ننوه ونقول مستمعينا فى كل مكان على الأرض او فى الفضاء....مدام حامد شخصيه حقيقيه ....ورحلتها الفضائيه مش خيال ...بل واقع....وواقع مشرف كمان

وبالمره ننوه ان الحوار اللى حنسمعه ماخوذ من حوار اجراه معاها  اشهر موقع لأخبار الفضاء على الأنترنت اسبيس دوت كوم

                                               موسيقى

تحبى نقول لك مدام حامد والا نناديك باسمك انوشا الأنصارى ؟

بالنسبه لى  مفيش فرق

انت كملت 6 اشهر من التدريب فى مركز الفضاء فى سيتى ستار فى روسيا واحنا بنكلمك  فاضل ساعات على انطلاق مركبة الفضاء سيوزوانت عليها كاول امراه تسافر الى الفضاء كسائحه ....امتى خطرت لك الفكره دى

انا ولدت فى طهران  فى ايران   سنة 1966وبعد الثوره هاجرت عائلتى الى الولايات المتحده وانا مراهقه  ولا اعرف كلمه واحده  فى اللغه الأنجليزيه ....ومع ذلك انهيت دراستى الجامعيه فى تخصص الهندسه الكهربائيه والكمبيوتر

واضح ان لديك اراده قويه جدا

اما فكرة السفر للفضاء فهى تلازمنى منذ وقت مبكر جدا فى حياتى ....المهم انشات شركه انا وزوجى حامد واخوه امير لأنتاج     برامج الكمبيوتر التى تتحكم فى شبكات التيلفونات الحديثه ونجحنا  وبيعت الشركه  وربحنا  الكثير ....وتبرعنا بجانب من ثروتنا التى حققناها لأعمال خيريه ولتشجيع  ابحاث الفضاء واكتشاف اسراره وتسهيل السفر فى المستقبل لمن يريد التمتع بهذه الرحله الفريده خارج الأرض

ولكن ما هو بالضبط الذى يجذبك للفضاء

ان ترى الأرض....كوكب الأرض من بعيد ....كره زرقاء هائمه تسبح فى الفضاء اللانهائى ...لا تظهر عليها حدود او فواصل بين الأجناس والدول....وندرك اننا  مهما نظرنا حولنا فى كل اتجاه لا نجد سواها مأوى يصلح لنا .....ونكتشف كم هى هشه او اصبحت هشه نتيجة لما نفعله بها ....هذا الأحساس العميق شىء اقرب الى التصوف ....ولذلك انا ايضا اقوم بنشاط ليحل السلام العادل فى العالم ....

 شكرا لك   ونتركها   للأختبارات الأخيره قبل انطلاق مركبة الفضاء من قاعدتها فى كازخستان تحمل اول زائره  للفضاء  من غير رواد الفضاء : السيده انوشا الأنصارى

وانطلقت سفينة الفضاء سيوز الروسيه صباح الأثنين 19-9-2006 وعلى متنها انوشه ورادا فضاء اميركى وروسى الى المحطه الفضائيه الدوليه وكانت امها تقف على  مسافة كيلو من مكان الأطلاق وهى تقول والدموع فى عينيها انا فرحه لفرحها بتحقيق حلم حياتها واصلى من قلبى لتعود بالسلامه

من المقرر ان تعود بعد 11 يوما مع  طاقم المحطه الفضائيه الموجود فيها من الأصل